2012 September, 30 ya shani hkying 12:00 ten hta KIA Dap Dung (24) ginra, Hkang Kai Bum kaw nna Tai Hpyen ni Ding
Hung mare lahta na KIA Makawk Post maga de 105mm hte (2) lang gap bun ai lam chye lu ai.
Matut nna shana hkying 8:25 ten hta Gang Dau Yang kaw nga ai Ts.K.Hk (3) dap na Tai Hpyen hpung ni Gang Dau hte Gaw Sharawt lapran kaw KIA Masat (255) Dap Nawng Dap Dung ni hkam tawn ai bawm (1) kapaw la nna, Ja Hta gate maga de 81mm (2) lang hte 120mm kalang gap bun ai lam chye lu ai. Ndai zawn rai shani shagu gasat poi byin nga ai majaw Wunpawng mungdan lawan sim sa wa lu na hte Wunpawng mungdan a matu asak ap nawng let shakut shaja nga ai amyu sha share shagan ni KIO/KIA magam gun masha ni yawng a matu Myitkyina kata na makam masham hpung ni pawng hpawm nna 28.9.2012 ya kaw nna 4.10.2012 ya du hkra lu sha gam a kyu hpyi nga ai lam chye lu ai.
Yung Zaw (EEDY)
No comments:
Post a Comment