Tsawra Hkunga ai manaw manang hpang de,
Wunpawng Mundan hte Wunpawng myu sha ni a Share Shagan Masat Ninghtoi byin wa
ai labau kadun mi hte Share Shagan ni hpe shagrau da ai mahkawn sadat ai
yaw....
Seng Lat Marip
WUNPAWNG
MUNGDAN SHANGLAW ASUYA SHARE SHAGAN MASAT
NINGHTOI
A LAM
Munghpawm Myanma Mungdan hpe uphkang na ningpawt ninghpang (Gaw da) ai tara
kanu (Constitution) hpe jawm ka lajang masat shagrin la nna, dai gaw da ai tara
kanu the maren, Munghpawng Myanma Mungdan ngu ai kata e rau jawm nga pra wa ai.
Raiyang, (Gaw da) ai ningpawt ninghpang tara kanu hpe n hkan shatup nna rau nga
rau pra shada, dip up ai lailen ni nga wa ai. Grau law ai Myen amyu ni gaw, n
law n nan aw grit nem nga ai kaga amyu sha (Ethnic groups) ni a ntsa e dip up
ai lailen gaw lani the lani wum jaw ai maja, masha jahpan n law ai the naw kaji
kadun nga ai amyu sha ni gaw, mungmasa ahkaw ahkang lam, n’pawt n’hpang
shinggyim ahkaw ahkang lam, Demukrisi ahkaw ahkang lam, the kaga ahkaw ahkang
lam ni hpe tat sum kau ai madang de du mat wa sai.
Ndai zawn, lu ra, lu ging ai ahkaw ahkang lam ni hpe tat sum kau ai hpe
mungmasa ka ku ntsa kaw sha garu hkat nna, hpa lam hpe mung bai dara di la lu
na lam n nga mat sai hpe mu mada ai mung tsaw, my tsaw share shagan ningshawng
ningla ni gaw, shing rai tat sum kau ai mung masa ahkaw ahkang lam the kaga
ahkaw ahkang lam ni hpe bail u la na matu, laknak lang nna rawt malan gasat la
ra sai ngu 1961 ning, Frebruary Shata (5) ya shani daw dan dat sai.
Ndai zawn mung tsaw, my tsaw share shagan ningshawng ningla ni e woi awn daw
dan ai the maren anhte gaw, laknak lang nna rawt malan gasat ai lam galaw
wa saga ai.
Laknak lang rawt malan gasat saw a ai hkrun lam hta amyu the mungdan hpe tsaw
ra ai ningshawng ningla, myit rum share shagan law law wa tinang a asak hpe ap
nawng ai kaw du hkra gasat poi shang lai wa masai.
Dai zawn asak ap nawng lai wa ai lam hta Wunpawng Mungdan Shanglawt Hpung
Ginjaw Komiti Tingnyang Up, KIC Ningbaw the KIA Dap Up Daju makan lit hpe
gunhpai lai wa sai. Ningbaw Kaba Usa (GOC) Lahtaw Zau Seng gaw 1975 ning August
shata (10) ya shani Thailand Mungdan kata e Dap jung da ai OKFA Dabang de
lungwa ai hkrun lam kaw tai hpyen a maw mawn ai kata kaw hkrat sum nna
asak ap nawng lai wa sai. Dai the maren, Ginjaw Komiti Tingnyang Up Mali,
KIC Ningbaw Malai the KIA tau Dap Awn Daju Makan lit gun hpai ngaai Du Up Daju
Lahtaw Zau Tu the Ginjaw Komiti Ninggaawn Amu Madu Makan lit gunhpai nga ai
Salang Kaba Pung Shwi Zau Seng gaw, 1975 ning August (6) ya shani OKFA Rung
Dabang de lung wa ai lam e tai hpyen wa a masha ni a lata hta hkrat sum asak ap
nawng lai wa masai.
Ningbaw ningla, hpa-awn kaji kaba, dap ma madang the mung shawa n lata,
tinang Wunpawng Mungdan the Wunpawng Amyu Sha ni a ntsa tsaw ra myit majing
rawng nna sadi dung let asak ap nawng lai wa sai. Share shagan myit rum manang
ni yang hpe hkungga shagrau, masat masa galw ai hku nna, Wungpawng Mungdan
Shanglawt Asuya gaw SHARE SHAGAN NINGHTOI ngu ai hpe masat da tai
rai.
Wunpawng Mungdan Shawnglawt Asuya a shawng ningnan No.1 Ningbaw Kaba makan lit
gun hpai lai wa ai GOC Lahtaw Zau Seng asak ap nawng ai 1975 ning, August shata
(10) ya hpe la nna, dai ninghtoi hpe SHARE SHAGAN NINGHTOI ngu masat da
tai rai.
Shaning shagu August shata (10) yah ta anhte gaw share shagan ninghtoi ngu
masat ninghtoi kaba hku masat dingat hpawng galaw ra ai. Dai masat ninghtoi hta
my the mungdan hpe tsaw ra nna share shagan let asak ap nawng lai wa sai hpu
shawng hpu ba share manang sfni hpe myit dum, n’gun la let shahtte shakut kau
da nna garai n ngut n kre ai anhte a pandung shadaw rai nga ai shanglawt ahkaw
ahkang hpe gasat di, padang dip la lu ai kaw du hkra , da kring da lang, magrau
grang grang rawt malan gasat poi shang saw a ga ngu Wungpawng Amyu Sha ni the
Wunpawng Mungdan Sha ji nban yawng Shanglawt Hpung Shang masha ni the magma gun
masha yawng hpe n’gun jaw shatsam, numhtet numra mungga jaw dat nngai law…
MATSING MALAWM
(1)
Share shagan ninghtoi masat dingsat hpawng gaw, pyaw poi galaw ai lam n
re majw,share shagan ninghtoi hpawng hpe lu sha pooi hpawng hku n galaw na.
(2)
Asak ap nawng lai wa sai share shagan ni hpe myit dum, shagrau , kasi
kaja la, n’gun la ai lam rain a.
(3)
Masat ninghtoi hpawng woi awn ai ni gaw, ndai mungga hpe hti shana,
n’gun jaw shatsam ai lam galaw na.
(4)
Magam Dap/Makan Dap/Dap Unit yawng gaw shaning shagu tinang a
Dap/Unit/Rung jung ai shara/ Dap Dabang/ Share Shagan Masat Shadaw/ (Shing n
rai) masat dingsat galaw da ai shara kaw masat ninghtoi hpawng galaw na.
(5)
Ndai ninghtoi (August Shata 10) yah ta Amyu Sha Dawnghkawn the Magam Dap
Dawnghkawn hpe (tup hkra shalun ai hpang) daw mi jahkrat ai hku Dawnghkawn noi
shajang na.
No comments:
Post a Comment