Wai Maw Ginwang Hkalup Hpung Nawku Jawng Wang kaw, (9-6-2011) ning kaw nna,
Hpyen masa shuk wa ai hte mare buga de n mai nga mat ai mjaw, Hpyen Yen let wa
machyu nga ai, Katsu mare na (Slg. Laga Naw Mai hte Jan La Sang Hkawn San) yan
a kasha asak (17) ning Shadang Laga Gun Ring hpe (9-8-2012) ya shana, Wai Maw
Myen Balik Dap ni woi mat nna adup zingri galaw ai lam hpe chye lu ai.
Ya na zawn Shadang Gun Ring hpe woi mat wa ai gaw, Shana hkying (9:00)am aten daram hta Wai Maw mare lawk kata, tsa nang nna, ramma uhpung (2) ga law hkat manghkang byin nga ai rai nna, manghkang byin ai shara kaw shadang Gun Ring n lawm ai, rai timung, manghkang byin ai uhpung (1) kaw lawm ai shi a manang langai gaw, kaga uhpung de na ni adup hkra dat ai majaw, machyi hkrum nga ai manang wa hpe lakawn na matu, du nga ai aten hta Wai Maw Myen Balik Dap kaw na hpyen la marai (16) sa wa nna, Shadang Gun Ring hpe woi mat wa ai lam chye lu ai.
Shadang Gun Ring hpe Wai Maw Balik Dap de woi mat nna, nang hpa galaw ai, KIA ni hte matut mahkai galaw ai i? kaga lam amyu myu san jep let, myi hprap wan hte hkum hkan kaba ya ai, myi man hkan htawng bye ya ai, hpri tawng kasha hte baw hte hkum hkan adup abyen rai, shana tup adup zingri nna, hkyuk kata sharen da ai lam hpe mung chye lu ai.
Shing rai adup zingri hkrum ai Shadang Gun Ring gaw, myi man mang nna bum mat ai, na n na mat ai, hkum hkan myi hprap wan kaba da ai hkang law mat ai majaw grai machyi hkam sha nga ai lam chye lu ai. Matut nna, Wai Maw Balik Dap kaw na ni tsun ai hta, nan hte Jinghpaw ni hpa lachyum mung n pru ai manghkang grai law ai nga nna mung tsun ai lam hpe chye lu ai.
Ya na zawn Shadang Gun Ring hpe woi mat wa ai gaw, Shana hkying (9:00)am aten daram hta Wai Maw mare lawk kata, tsa nang nna, ramma uhpung (2) ga law hkat manghkang byin nga ai rai nna, manghkang byin ai shara kaw shadang Gun Ring n lawm ai, rai timung, manghkang byin ai uhpung (1) kaw lawm ai shi a manang langai gaw, kaga uhpung de na ni adup hkra dat ai majaw, machyi hkrum nga ai manang wa hpe lakawn na matu, du nga ai aten hta Wai Maw Myen Balik Dap kaw na hpyen la marai (16) sa wa nna, Shadang Gun Ring hpe woi mat wa ai lam chye lu ai.
Shadang Gun Ring hpe Wai Maw Balik Dap de woi mat nna, nang hpa galaw ai, KIA ni hte matut mahkai galaw ai i? kaga lam amyu myu san jep let, myi hprap wan hte hkum hkan kaba ya ai, myi man hkan htawng bye ya ai, hpri tawng kasha hte baw hte hkum hkan adup abyen rai, shana tup adup zingri nna, hkyuk kata sharen da ai lam hpe mung chye lu ai.
Shing rai adup zingri hkrum ai Shadang Gun Ring gaw, myi man mang nna bum mat ai, na n na mat ai, hkum hkan myi hprap wan kaba da ai hkang law mat ai majaw grai machyi hkam sha nga ai lam chye lu ai. Matut nna, Wai Maw Balik Dap kaw na ni tsun ai hta, nan hte Jinghpaw ni hpa lachyum mung n pru ai manghkang grai law ai nga nna mung tsun ai lam hpe chye lu ai.
No comments:
Post a Comment